Noticias destacadas no período comprendido entre as 18:00 e as 08:00 horas

Desaloxado un edificio en Vigo a causa dun incendio nun garaxe

Un incendio nun garaxe, situado na Rúa Sanxurxo Badía, na parroquia de Teis, en Vigo, mobilizou esta madrugada aos servizos de emerxencia e obrigou, por precaución, ao desaloxo dun edificio de dez andares. Afortunadamente, non se rexistraron danos persoais.

No interior do garaxe arderon por completo varios vehículos, cinco coches e unha furgoneta. Ademais, debido á virulencia do lume, viuse afectada polas lapas, a estrutura do inmoble.

Nada mais recibir o aviso, desde o Centro Integrado de Atención ás Emerxencias (CIAE) 112 Galicia alertouse aos Bombeiros de Arteixo, á Garda Civil e aos efectivos de Protección Civil da localidade. Tamén, os xestores de emerxencias informaron ao Urxencias Sanitarias de Galicia-061, que por fortuna, non foi precisa a súa intervención.

Tras extinguir o incendio, pasados uns minutos das cinco e media da madrugada, os bombeiros comunicaron ao 112 Galicia que parte dos veciños das vivendas desaloxadas puideron volver ás súas casas con normalidade.

Unha persoa ferida e excarcerada tras quedar atrapada no interior do vehículo no que viaxaba ao envorcar en Culleredo

Un home resultou ferido despois de envorcar a turismo no que viaxaba cando circulaba polo lugar de Vinxeira Grande na parroquia culleredense de Santa María de Celas.

O accidente tivo lugar ao fío das 20:00 horas da pasada tarde. Foi a esa hora cando os profesionais sanitarios, debido á gravidade das lesións, comunicaban ao 112 Galicia a mobilización dunha ambulancia cun equipo médico a bordo para a atención da persoa ferida.

De inmediato, o 112 Galicia pasou aviso aos axentes da Garda Civil de Tráfico e Policía Local e aos Bombeiros de Arteixo quen, xa no lugar e tras comprobar que a persoa estaba inaccesible, procederon coas tarefas de excarceración.

Do mesmo xeito, informouse ao servizo de emerxencias da localidade quen confirmou ao 112 Galicia, a evacuación do varón, nada ser máis liberada polos Bombeiros, ata o Complexo Hospitalario Universitario da Coruña.

Coche envorcado na Pobra do Caramiñal
Por outra banda, esta mañá, outro accidente na localidade da Pobra do Caramiñal obrigou a intervir aos Bombeiros. Neste caso, tratouse dun coche que envorcou cando circulaba pola estrada que leva ao mirado da Curota, na Pobra do Caramiñal.

Faltaban 15 minutos para as nove horas cando os axentes da Policía Local comunicaban ao 112 Galicia o accidente dun vehículo envorcado e cun dos ocupantes atrapado no seu interior.

Así, con estes datos, os xestores puxeron os feitos en coñecemento do persoal do Servizo de Urxencias Sanitarias de Galicia-061 e dos Bombeiros de Ribeira que decontado se desprazaron ao punto. Así mesmo, acudiron os axentes da Garda Civil de Tráfico, da Policía Local e os membros de Protección Civil.

Unha vez liberado polos efectivos do Servizo de Prevención, Extinción de Incendios e Salvamento, todos os feridos foron trasladados polos servizos sanitarios ao centro hospitalario de referencia.

Rescatan a unha persoa da auga no embalse de Meicende, en Arteixo

Unha persoa foi rescatada ao caer á auga no embalse de Meicende, no concello coruñés de Arteixo.

Ás 22:30 horas, axentes da Policía Local de Arteixo puxéronse en contacto co 112 Galicia para solicitar asistencia sanitarios urxente para un home que caera na auga do encoro. Decontado, os xestores de emerxencia puxeron en alerta ao persoal do Servizo de Urxencias Sanitarias de Galicia-061, aos Bombeiros de Arteixo, aos axentes da Garda Civil e aos efectivos de Protección Civil da localidade.

Segundo a información facilitada polos Bombeiros ao 112 Galicia, foron os propios veciños que se encontraban preto do lugar quen rescataron á persoa, que se atopaba a flote, polo que, finalmente, non foi precisa a intervención dos medios de rescate.

Nada mais ser rescatada, os profesionais sanitarios encargáronse da evacuación da persoa ata o Completo Hospitalario Universitario da Coruña.