Noticias destacadas no período comprendido entre as 18:00 e as 08:00 horas

Unha persoa tivo que ser trasladada por inhalación de fume debido a un incendio orixinado na súa vivenda na Guarda

Un home foi trasladado, onte, a causa de inhalar fume nun incendio que se orixinou na súa casa, no concello da Guarda.

Poucos minutos antes das sete e media da tarde, da pasada xornada, o 112 Galicia recibiu a chamada de varios particulares que indicaban ver saír fume dun edificio na rúa Manuel Álvarez, na localidade pontevedresa da Guarda.

Nese momento, os operadores do Centro Integrado de Atención ás Emerxencias informaron aos Bombeiros de Porriño, ao Ges da Guarda, á Policía Local e aos servizos sanitarios de urxencia.

Pouco despois, e xa desde o lugar dos feitos, a patrulla da Policía Local confirmou a necesidade dunha ambulancia para dunha persoa que tiña inhalado fume provinte do incendio. Os profesionais de Urxencias Sanitarias de Galicia - 061 trasladaron ao home ao Hospital Álvaro Cunqueiro.

Finalmente, os membros do Ges da Guarda informaron ao 112 Galicia de que o lume foi orixinado na cociña da vivenda e que, o fume,  afectou tamén ao corredor do edificio.

Unha persoa precisa ser trasladada tras caer dun cabalo en Sarria

Os servizos médicos tiveron que trasladar a unha persoa que caeu dun cabalo, na localidade lucense de Sarria.

Foron varios os particulares os que chamaron, na tarde de onte, ao 112 Galicia para solicitar axuda para un xinete que caera dun cabalo. Os feitos aconteceron arredor das 19:00 horas no lugar de Goimil.

Desde ao Centro Integrado de Atención ás Emerxencias de Galicia alertouse aos axentes da Garda Civil e da Policía Local, aos membros de Protección Civil do concello e aos profesionais do 061. 

Finalmente, e pese a que nun primeiro momento os servizos médicos consideraron a mobilización dun helicóptero medicalizado ata o lugar, o xinete foi trasladado en ambulancia.

Ferido ao manexar un arado
O 112 Galicia tivo tamén aviso, ás 21:00 horas de onte, dunha persoa ferida nunha perna tras sufrir un accidente mentres manexaba un arado na localidade de Mos.

Foros os propios profesionais de Urxencias Sanitarias de Galicia -061 os que informaron dos feitos ao CIAE 112. Nese momento, os operadores do Centro Integrado de Atención ás Emerxencias de Galicia alertaron aos axentes da Garda Civil, aos Bombeiros de Porriño e aos membros do Servizo Municipal de Emerxencias de Mos.

Ao fin, o 061 confirmou que a persoa foi trasladada.