As condicións climáticas (chuvias, neve, xeo, vento...), así como unha avaría repentina ou un obstáculo inesperado, moitas veces relacionado cos efectos do tempo, poden facernos perder o control do coche.

Para recuperar a traxectoria sen sufrir demasiados danos, pensa que ese primeiro impulso de frear a fondo é un erro con graves consecuencias. Por iso, propoñemos que revises estas recomendacións para que teñas en conta se unha situación así chegase a producirse:

• Evita xiros bruscos de volante
• Se os freos deixan de funcionar de forma momentánea, solta o pé do acelerador e orienta o vehículo a unha zona segura
• Reduce a velocidade mediante o cambio a marchas máis curtas
• No peor dos casos, podemos parar o coche ao achegalo a un muro ou barreira de seguridade

​Recorda que, debido aos fenómenos de meteoroloxía adversa, como o vento, a chuvia, a neve, o xeo.., debemos adaptar a velocidade ás condicións da vía para contar con tempo suficiente de reacción ante obstáculos como árbores ou polas caídas, bolsas de auga, material urbano desprazado.

Igualmente, debemos levar no vehículo o material necesario para combater os efectos, por exemplo, da neve: falamos de cadeas.

E, se tes algunha dúbida sobre realizar algún desprazamento, sempre podes consultar a través da DXT o estado das estradas.