Escuchar
luns, 5 Agosto, 2019

Un accidente de tractor deixa un falecido na parroquia de Riomol, no concello lucense de Castroverde.

O Centro Integrado de Atención ás Emerxencias (CIAE) 112 Galicia tivo constancia dos feitos ao redor das 20:00 horas da tarde de onte, a través da chamada dunha persoa particular. Segundo o seu relato, a vítima encontrábase atrapada debaixo do vehículo que envorcara nunha finca.

De inmediato, os profesionais do 112 Galicia solicitaron a intervención do 061-Urxencias Sanitarias, que mobilizou ao helicóptero medicalizado con base en Ourense. Aínda así, non foi precisa a súa intervención posto que só se puido confirmar o falecemento da persoa.

Tamén ata ao lugar desprazáronse os Bombeiros de Sarria, os axentes da Garda Civil e os membros do GES de Becerreá, tras ser alertados polo 112 Galicia.