Escuchar

Fíxose de rogar e esperabámola con máis ganas que nunca. Na primavera, a subida das temperaturas e a chegada do bo tempo anímannos a saír a pasear, a facer deporte ao aire libre ou a planear excursións ao campo ou á praia as fins de semana. É por iso que debemos ter en conta unha serie de recomendacións para evitar posibles riscos que poden darse ao realizar estas actividades.

O sendeirismo é unha moi boa opción para aproveitar o tempo de lecer. Axuda a estar en forma e a relaxarse, ao mesmo tempo que permite descubrir algún dos infinitos recunchos de Galicia. Antes de poñernos a andar, hai que informarse das características e condicións do camiño. Ademais, consultaremos que tempo vai facer. Moito ollo coas altas temperaturas e coas néboas, que restan visibilidade. Levar roupa e calzado cómodos axudaranos no noso camiño. Os zapatos mesmo mellor se son impermeables (nunca se sabe cando haberá que saltar un regato). Como complemento, non está de máis ir acompañado dun bastón de trekking. E teñamos en conta tamén que é necesario empezar a utilizar crema solar. Esta protección debe realizarse media hora antes de saír e cada dúas horas se continuamos expostos ao sol.

Como nos gusta saír a contornas naturais acompañados dos nosos! Con todo, ás veces atopamos residuos nestes espazos. É necesario lembrar que todos debemos coidar o campo tanto ou máis que a nosa propia casa. É unha cuestión de convivencia, estas contornas que visitamos son o fogar doutros seres vivos. Por iso, nas nosas saídas ao campo, debemos respectar o entorno. Ademais, temos que deixar todo tal e como o atopamos e, no que caso de que non atopemos papeleiras, é fundamental gardar o lixo para tiralo despois nos lugares habilitados.

A emerxencia sanitaria na que nos atopamos non nos impide xuntarnos con amigos ou familiares, pero sempre hai que seguir as indicacións dos expertos. Se decidimos organizar unha excursión ao aire libre, é moi recomendable empregar aplicacións de xeolocalización. Se nos atopamos nunha zona illada ou de difícil acceso, como poden ser as contornas de montaña, carreiros ou lugares onde non hai cobertura, debes saber que o 112 Galicia conta cun servizo que envía ao teu teléfono móbil un SMS para localizarche, a través das coordenadas que mostran a túa posición. E por último e non menos importante, non debemos esquecernos de utilizar a máscara e manter a distancia de seguridade nos nosos encontros para protexer a nosa saúde.