A Xunta activa o Plan Especial para o Risco de Inundacións en Galicia (INUNGAL) ante a posibilidade de que se produzan desbordamentos puntuais no curso dos seguintes ríos:

• Ouro en Foz
• Landro en Viveiro
• Sor no Vicedo
• Labrada en Vilalba
• Ladra en Vilalba
• Azúmara en Castro de Rei
• Mera en Ortigueira
• Mandeo en Aranga
• Rego das Mestas en Valdoviño
• Xubia en San Sadurniño
• Lérez en Pontevedra
• Miñor en Gondomar
• Oitavén en Soutomaior 

Nas últimas horas, os sistemas de control e seguimento das concas indican o crecemento significativo dos caudais, pois xa superaron os limiares establecidos, polo que cabe agardar enchentes puntuais.

Lembrade que deben adoptar as medidas preventivas necesarias, que poden consultar aquí.

A Xunta de Galicia vén de activar o Plan Platerga en toda a Comunidade galega para conter o novo coronavirus. Isto implica a mobilización de todos os recursos humanos e materiais necesarios para facer fronte a esta situación de risco colectivo.

Cómpre sinalar que a única forma de diminuír os efectos do novo coronavirus na nosa sociedade é a través da participación de toda a cidadanía. Así, é necesario seguir coa máxima rigorosidade as seguintes indicacións:

• Lavar as mans frecuentemente con auga e xabón ou utilizar unha solución hidroalcohólica.
• Evitar tocar os ollos, o nariz e a boca se non se teñen as mans limpas.
• Practicar unha boa hixiene respiratoria. É dicir, ao tusir ou esbirrar, tapar a boca e o nariz cun pano de papel, que inmediatamente hai que desbotar nunha papeleira, ou facelo contra a flexura do cóbado.
• De presentar algunha sintomatoloxía (febre, tose ou dificultade respiratoria), evitar o contacto con outras persoas.
• Evitar viaxes e desprazamentos que non sexan estritamente necesarios.

Para máis información, prema aquí.