Boletín Informativo das 13:00 horas do día 25/02/2020
Noticias destacadas no período comprendido entre as 08:00 e as 12:00 horas
Dúas persoas, unha delas falecida, foron alcanzadas en O Pino por un coche que continuou a marcha
Sucedeu no concello coruñés do Pino, nun pista que pasa por debaixo da A-54, e que Ferreiros e Dodro, á altura de Ferreiros.
Un particular foi quen, ás 11:40 horas de hoxe, avisou ao 112 Galicia. Indicaba que un coche continuara a marcha despois de alcanzar a unha persoa. Aseguraba que se trataba dun accidente grave.
Tras contactar co persoal do Servizo de Urxencias Sanitarias de Galicia-061, indicaron que cara o punto se desprazaba o helicóptero medicalizado con base en Santiago de Compostela, posto que unha persoa falecera e outra resultara ferida de consideración.
Con estes datos, desde o 112 Galicia informouse dos feitos á Garda Civil de Tráfico e aos Bombeiros de Arzúa e de Santiago.
Finalmente, os profesionais sanitarios confirmaron ao 112 Galicia o traslado en ambulancia da persoa que resultara ferida ao Hospital Clínico Universitario de Santiago.