Boletín Informativo das 13:00 horas do día 15/03/2020
Noticias destacadas no período comprendido entre as 08:00 e as 12:00 horas
Unha muller perde a vida tras envorcar o seu vehículo en Culleredo
A condutora dun turismo perdeu a vida ao mediodía de hoxe despois de envorcar o vehículo no que viaxaba mentres circulaba pola N-550, á altura da rotonda de desvío para o Aeroporto de Alvedro, no concello coruñés de Vilaboa.
Foi un particular quen chamou ao 112 Galicia ás 13:00 horas de hoxe para alertar do accidente. Segundo o seu relato, a muller quedou atrapada e necesitaba axuda para abandonar o turismo.
Deste xeito, os xestores do 112 Galicia puxeron os feitos en coñecemento dos profesionais de Urxencias Sanitarias de Galicia-061 e dos Bombeiros de Arteixo.
Unha vez no lugar dos feitos os efectivos do Servizo de Prevención Extinción de Incendios e Salvamento trataron de usar o material de excarceración para liberar a vítima, pero, desafortunadamente, nada se puido facer por salvarlle a vida.
Neste operativo colaboraron tamén os axentes da Garda Civil de Tráfico e da Policía Local ademais do servizo de mantemento da vía.