A Unidade de Drons da AXEGA colabora na busca dun home desaparecido na Pastoriza

O equipo de drons da Axencia Galega de Emerxencias (AXEGA) colabora coa Garda Civil nun operativo de busca para dar cun home que desapareceu na Pastoriza.

Deste xeito, a unidade da AXEGA intervén nun operativo que foi activado a última hora da tarde de onte, ao recibirse no 112 Galicia a información da falta do home nese momento, a través dunha persoa da súa contorna.

A partir de aí, os xestores do CIAE 112 Galicia solicitaron tamén a intervención do GES da Pontenova e das agrupacións de voluntarios de Protección Civil de Meira, Mondoñedo e Vilalba.