Unha persoa necesita aos bombeiros para saír dun coche accidentado en Santiago

Un impacto lateral entre dous coches en Santiago deixou a unha persoa atrapada.

O accidente produciuse ás 10:30 horas de hoxe na N-525, en Marrozos.

Tal e como explicou unha testemuña do accidente a través da súa comunicación co 112 Galicia, o golpe entre os dous coches produciuse polo lateral, o que deixou a unha persoa atrapada dentro. Por iso, o persoal do Centro Integrado de Atención ás Emerxencias de Galicia solicitou a intervención dos Bombeiros de Santiago, ademais dos profesionais de Urxencias Sanitarias de Galicia-061 co fin de ofrecer á persoa ferida os primeiros coidados antes do seu traslado.

Tamén foron informados os axentes da Policía Local e da Garda Civil de Tráfico.