Dúas persoas resultan feridas ao bater o coche no que circulaban contra unha casa en Mondoñedo

Por mor do impacto, as dúas persoas que viaxaban no vehículo tiveron que ser trasladas ao Hospital da Costa.

Os feitos sucederon nas proximidades da catedral, ás 18:00 horas.

O 112 Galicia tivo coñecemento do accidente, nese momento, a través de Urxencias Sanitarias de Galicia-061 e, acto seguido, desde o Centro Integrado de Atención ás Emerxencias (CIAE) 112 Galicia pasouse o aviso aos Bombeiros de Barreiros, a Protección Civil e á Garda Civil de Tráfico.

Un vehículo atropelou a dúas persoas na Coruña
Por outra banda, un home e unha muller foron alcanzados por un vehículo na Rúa do Monasterio de Bergondo.

Así indicárono varias persoas particulares, que contactaron co 112 Galicia ás 18:30 horas.

A partir de aí, o persoal do CIAE 112 Galicia puxo a situación en coñecemento de Urxencias Sanitarias de Galicia-061 e da Policía Local.