Dúas persoas resultaron feridas tras ser alcanzadas por un vehículo en Betanzos

Ambas as dúas foron trasladadas ao Complexo Hospitalario Universitario da Coruña (CHUAC).

Segundo a información recollida no 112 Galicia, o accidente produciuse na Rúa Fraga Iribarne, á altura do Parque do Pasatempo, cando faltaban uns minutos para as sete desta tarde.

Así o explicaron as persoas que utilizaron o número único de emerxencias para solicitar asistencia para dúas persoas que foran alcanzadas por un vehículo.

Se ben as dúas estaban liberadas e accesibles, necesitaban atención sanitaria de urxencia debido ás lesións provocadas polo golpe. Deste xeito, os xestores do 112 pediron a colaboración dos profesionais de Urxencias Sanitarias de Galicia-061, quen, posteriormente, trasladaron aos feridos ao Hospital da Coruña.

Tamén interviñeron os axentes da Policía Local e os voluntarios de Protección Civil de Betanzos e Miño.