Imaxe escoitar Escoitar
venres, 11 Xuño, 2021

Un incendio declarado esta tarde nunha explotación avícola permanece activo arestora en Xunqueira de Espadanedo. Segundo a información facilitada ao 112 Galicia polos equipos de emerxencia desprazados, o lume está controlado e os efectivos de extinción centran os seus esforzos en arrefriar as zonas afectadas da explotación, para conter a propagación das lapas.

Os feitos teñen lugar nunha nave situada entre a parroquias de NiñodaAguia e o lugar de Pardeconde.

O 112 Galicia recibiu a alerta do incendio a través dunha persoa particular, ás cinco e cuarto.

A partir de aí, activouse un operativo no que están a intervir os Bombeiros do Polígono de San Cibrao das Viñas, o GES do Pereiro de Aguiar, as Agrupacións de Voluntarios de Protección Civil de Maceda e de Xunqueira de Espadanedo, os axentes da Garda Civil e persoal de incendios forestais, que achegaron unha motobomba.

Ademais, neste operativo colaboran os membros do Grupo de Apoio Loxístico da Axencia Galega de Emerxencia, que acudiron cun camión cisterna para abastecer de auga aos equipos de emerxencia mobilizados.

facebook twitter instagram