Imaxe escoitar Escoitar
mércores, 23 Novembro, 2022

Os feitos sucederon no lugar da Pedra, na parroquia de Freixo.

O 112 Galicia tivo coñecemento do incendio a través dos voluntarios de Protección Civil da Fonsagrada, ao fío das 10:00 horas. Segundo indicaron, no lugar se atopaban varios operarios do Concello cunha motobomba para extinguir as lapas. Engadían que descoñecían si algunha persoa podía atoparse no interior.

Con estes datos, o persoal do 112 Galicia puxo a situación en coñecemento dos Bombeiros de Sarria,  da Garda Civil e de Urxencias Sanitarias de Galicia-061.

Segundo deron conta os membros de Protección Civil ao 112 Galicia, ningunha persoa se atopaba no interior do inmoble e tamén indicaron que o teito da vivenda colapsara.

Pola súa banda, os Bombeiros de Sarria sufocaron o lume e levaron a cabo tarefas de arrefriamento nas zonas afectadas. Ademais, aseguraron a casa ante a posible caída dalgún cascallo.

Incendio declarado nun garaxe en Ponteareas
Tamén, un incendio orixinado nun cadro eléctrico afectou a un garaxe e a unha casa lindeira no lugar da Granxa, sen que ningunha persoa resultase ferida.

Arestora, os Bombeiros do Baixo Miño comproban nas estancias da vivenda os danos provocados polo lume, co fin de garantir as condicións de seguridade no seu interior.

Tamén acudiron ao lugar dos feitos os membros da Agrupación de Voluntarios de Protección Civil de Ponteareas e os axentes da Garda Civil, tras ser alertados polo 112 Galicia, que recibiu a alerta do lume ao fío das 11:30 horas.

facebook twitter instagram