Imaxe escoitar Escoitar

Falece en Ourense tras sufrir un accidente na N-525

Un accidente en Ourense deixou esta mañá unha vítima na estrada. Eran as 10:45 horas de hoxe cando Urxencias Médicas informaba ao CAE 112 Galicia do fatídico suceso.

Segundo indicaron, a persoa estaba ferida e inconsciente. Pese aos intentos de reanimación, o persoal sanitario só puido confirmar o falecemento da persoa.

O accidente ocorreu na N-525, no cruce de acceso á estrada de Monforte, dirección Santiago.

Ata o lugar, desprazáronse os axentes de Tráfico. Tamén, dende o 112 Galicia se informou aos Bombeiros de Ourense e aos efectivos de Protección Civil.

Dous menores feridos en Vigo
Dous nenos resultaron feridos ao colidir dous vehículos que circulaban á altura de Castrelos, en Vigo. Urxencias Médicas informou ao CAE 112 Galicia deste accidente sobre as 09:30 horas de hoxe.

A partir de aí, pasouse aviso aos axentes da Policía Local e de Protección Civil. Os Bombeiros da cidade tamén foron informados. 

Os menores foron trasladados ao Hospital Álvaro Cunqueiro de Vigo. 

facebook twitter instagram