Feridos os catro ocupantes dunha avioneta que caeu nunha zona montañosa en Barro
Os catro ocupantes que viaxaban nunha avioneta resultaron feridos este mediodía tras caer esta nunha zona montañosa, á altura do punto quilométrico 119 da AP-9, dirección Santiago, no Concello de Barro. A avioneta, saíra do Aereporto de Peinador e sobrevoaba a ría no momento no que se produciu o accidente. Así o indicou un dos ocupantes feridos ao CAE 112 Galicia e, que ao mesmo tempo aseguraba que a avioneta non ardía e que non estaban atrapados. De inmediato, o 112 Galicia puxo en marcha un operativo no que participan Urxencias Médicas, Salvamento Aéreo, Garda Civil, Policía Autonómica, dúas dotacións dos bombeiros de Ribadumia e Vilagarcía, así como os efectivos de Protección Civil de Barro. Ademais, debido á gravidade do suceso o helicóptero medicalizado con base en Santiago tamén se desprazou ata o lugar, quedando en alerta a aeronave con base en Ourense por si fose preciso. Finalmente, a aeronave con base en Santiago foi a que se desprazou ata o lugar do sinistro para trasladar a un dos feridos de maior gravidade –o piloto- ata o CHUS de Santiago. Os outros tres puideron ser trasladados en ambulancia, dous ao Montecelo de Pontevedra e outro ata o Hospital do Salnés. Foi preciso cortar momentaneamente un carril da AP-9, dirección Coruña para a evacuación dos feridos. Os Aeroportos de Santiago e Peinador, Concello de Barro, Autoestradas da AP-9 e o Servizo de Garda Costas de Galicia tamén formaron parte do dispositivo posto en marcha polo CAE 112 Galicia. Pese a que os feridos xa foron evacuados, os servizos de emerxencia continúan, arestora, traballando no lugar do sinistro. O accidente tivo lugar ás 12:02 horas de hoxe.
Liberan a unha persoa falecida tras colidir dous vehículos en Oleiros
Unha persoa faleceu esta mañá tras producirse una colisión entre dos vehículos que circulaban pola VG-1.3, no punto quilométrico 3.600, na curva de Santa Cruz, no termo municipal de Oleiros. O CAE 112 Galicia tivo constancia do accidente tras recibir a chamada de varios particulares que pedían axuda ás 10:37 horas de hoxe. Segundo indicou un dos alertantes, no interior dun dos vehículos había unha persoa inconsciente e atrapada. De inmediato, dende o Centro de Atención ás Emerxencias se puxo en marcha un operativo no que participaron Urxencias Médicas, bombeiros de Arteixo, Garda Civil de Tráfico e efectivos de Protección Civil de Oleiros e de Sada. Finalmente, os efectivos do parque comarcal confirmaron a excarceración dun home de avanzada idade que estaba falecido. Ademais, no outro vehículo viaxaba unha familia, pero afortunadamente, só un varón resultou ferido de carácter leve nun brazo. Dende o 112 Galicia se pediu a intervención do persoal do servizo de limpeza e mantemento da estrada que se encargou da limpeza da vía.