Escoitar
mércores, 18 Novembro, 2020

Os membros do Servizo de Prevención, Extinción de Incendios e Salvamento da Coruña e un equipo médico rescataron esta mañá a un home que resultou ferido ao caer nunha zona de rochas próxima ao lugar do Portiño, na Coruña. Así, os efectivos de emerxencia o achegaron ata ambulancia, na que finalmente foi trasladado a un centro médico.

O 112 Galicia recibiu a alerta do suceso a través de Urxencias Sanitarias de Galicia-061 e, decontado, os xestores do CIAE 112 Galicia deron conta dos feitos aos Bombeiros da Coruña, á Policía Local e Nacional, a Salvamento Marítimo e ao Servizo de Gardacostas de Galicia.