Dúas persoas resultaron feridas ao caer por un terraplén despois de saírse da vía o vehículo co que circulaban.
O accidente ocorreu sobre as 20:00 horas da tarde pasada, no lugar de Figueiroa, en Ermedelo, no concello coruñés de Rois.
A esa hora, unha persoa particular pedía axuda ao 112 Galicia. Alertaba dun coche caído por un terraplén e semienvorcado nunha leira. Aseguraba que había xente no interior do turismo. Decontado, os xestores do 112 pasaron aviso ao 061-Urxencias Sanitarias e aos Bombeiros de Boiro. De igual xeito, puxeron os feitos en coñecemento da Garda Civil de Tráfico, do GES de Padrón e de Protección Civil da localidade.
Unha vez no punto, os bombeiros confirmaron a excarceración dun dos dous ocupantes do vehículo.
Tras ser liberado, persoal sanitario procedeu á evacuación dos feridos.