Imaxe escoitar Escoitar
domingo, 26 Xaneiro, 2020

A saída de vía dun turismo na VG-20, á altura do punto quilométrico 3, deixou a dúas persoas feridas de consideración na noite de onte. O accidente tivo lugar ás 23:15 horas, cando o vehículo saíuse da vía e deu varias voltas de campá ata rematar envorcado contra un muro.

Foron varios os particulares que chamaron ao 112 Galicia para informar do accidente na saída de Coia, dirección Puxeiros. Segundo a información facilitada polas testemuñas do suceso, os ocupantes do vehículo sinistrado necesitan asistencia médica e axuda para abandonar o turismo.

Nada mais ter constancia dos feitos, os xestores do 112 puxeron a situación en coñecemento de Urxencias Sanitarias de Galicia-061 e dos Bombeiros de Vigo. Tras chegar ao lugar, os servizos de emerxencia fixeron uso  do material de excarceración para liberar os feridos que, acto seguido, foron evacuados en ambulancia ata o centro hospitalario de referencia.

Para garantir as condicións de seguridade na vía, desde o 112 Galicia pediuse a intervención dos axentes da Garda Civil de Tráfico e da Policía local, ademais do servizo de mantemento da estrada.

facebook twitter instagram