Unha muller faleceu esta tarde despois de recibir un disparo nas costas en Cabana de Bergantiños.
Un familiar da vítima foi quen, ao fío das 17:00 horas, solicitaba ao 112 Galicia asistencia sanitaria para a muller.
Tamén, neses intres, persoal do 061 informaba ao 112 da saída do helicóptero medicalizado con base en Santiago de Compostela, para o lugar Tras da Agra, en Cánduas, no concello de Cabana. Indicaban que se trataba dun ferido a causa dun disparo con arma.
Con estes datos, os xestores de emerxencias informaron axiña á Garda Civil, GES de Ponteceso e aos efectivos de Protección Civil da localidade.
Pese aos intentos de reanimación, os servizos sanitarios nada puideron facer mais que confirmar o falecemento da muller.
A Garda investiga as causas do suceso.