Imaxe escoitar Escoitar
luns, 23 Maio, 2022

Os buzos da Garda Civil localizaron o corpo do home no río, en Vilanova da Barca, na zona do embarcadoiro do río Miño, en Cortegada.

O 112 Galicia tivo constancia da desaparición esta mañá. Ao fío das 8 e media, os axentes da Garda Civil solicitaban ao 112 Galicia a saída da Unidade de Drons da Axencia Galega de Emerxencias (AXEGA), para colaborar na busca dun varón que faltaba desde este pasado domingo despois de saír a pescar. Segundo a información recibida a través dos axentes, o turismo do desaparecido fora localizado en Vilanova da Barca, preto dun pequeno embarcadoiro. Foi un compañeiro do infortunado quen deu a voz de alarma tras non presentarse ao seu posto de traballo.

Ao operativo, posto en marcha pola Garda Civil, sumáronse os membros do GES de Ribadavia cunha embarcación, e de Protección Civil de Cortegada.

Finalmente, ao redor das 13:45 horas deste mediodía, os membros do GES de Ribadavia confirmaban ao 112 Galicia que os buzos da Garda Civil localizaran ao home afogado no río.

facebook twitter instagram