• Un sinal sonoro de 2 segundos separados por silencios de 3 segundos durante 2 minutos alertará dun incidente ou do mal funcionamento dunha presa que pode afectar gravemente a núcleos de poboación
• En caso de activarse o PEP, afástate de ríos e torrentes
• Estate atento á información que transmiten os medios de comunicación
• Acude ao punto de reunión definido no Plan de Acción do Concello
• Segue as indicacións das autoridades
• Non chames ao 112 salvo petición de auxilio. As liñas deberán quedar libres para uso dos servizos de emerxencia
• Non recollas aos nenos na escola, os mestres saberán como actuar  para evacualos
• Non utilices estradas próximas ao leito, a corrente podería atraparte
• Non volvas cara atrás, as crecidas son moi rápidas e perigosas
• Un sinal sonoro continuado de, cando menos, 30 segundos avisará de que a alerta rematou
• A túa colaboración na realización de simulacros, será fundamental para previr riscos