Escoitar

As persoas temos a nosa parte de responsabilidade na xestión dunha situación de emerxencia grave e/ou catástrofe.

Xunto coa nosa unidade familiar, constituímos a primeira unidade de intervención para salvagardar a integridade e restablecer a normalidade canto antes sexa posible nun contexto adverso ou calamitoso.

Por iso, propoñemos un Plan Familiar de Emerxencia, que permite organizar unha resposta áxil e eficaz. Para iso, é necesario que todos os membros da unidade familiar coñezan os riscos potenciais na súa contorna e establezan un punto de encontro ou vías de evacuación se as condicións o esixisen.

Ademais, a familia debe coñecer os aspectos básicos e esenciais do historial médico de cada un dos seus membros. Isto é, posibles alerxias, grupo sanguíneo ou incapacidades. Tamén será moi útil que cada un dentro da unidade familiar teña claro a quen chamar dentro e fóra do núcleo de poboación para poñerse a salvo ou pedir algún tipo de axuda.

Por último, todos teñen que ter unha tarefa asignada, como explicamos no seguinte gráfico: