Escuchar
martes, 10 Setembro, 2019

Unha muller foi atopada  a pasada tarde flotando nunha piscina de propiedade privada  situada en San Pedro de Benquerencia, en Barreiros.

Os feitos sucederon ao fío das 19:30 horas, momento no que os servizos sanitarios comunicaban ao 112 Galicia o achado do corpo dunha muller no interior dunha piscina.

A partir de aí, os xestores do 112 Galicia solicitaron a intervención dos Bombeiros de Barreiros, que sacaron á muller da auga, dos axentes da Garda Civil e dos voluntarios de Protección Civil da localidade.

Unha vez no lugar e pese aos esforzos dos profesionais sanitarios que mobilizaron ata dúas ambulancias, unha delas medicalizada, nada puideron facer por salvarlle a vida.