O accidente produciuse no punto quilométrico 6,5 da AC-400, ao fío das 11:15 horas.

Foi, nese momento, cando un particular alertaba ao 112 Galicia do accidente. Indicaba na súa comunicación que un coche envorcara e unha persoa estaba atrapada no interior.

Acto seguido, o persoal do 112 Galicia puxo a situación en coñecemento de Urxencias Sanitarias de Galicia-061, dos Bombeiros de Arteixo, do Servizo Municipal de Protección Civil, da Policía Local e do servizo de mantemento da estrada.

Un coche cae desde un muro ao patio dun colexio en Pantón
O vehículo caeu dunha altura de dous metros e rematou no espazo descuberto do colexio, na Rúa de Bispo Páramo Somoza.

No interior do vehículo viaxaban unha muller e unha menor, que resultaron feridas leves por mor do impacto. Segundo a información recollida no 112 Galicia, ningunha persoa máis necesitou asistencia médica.

O 112 Galicia recibiu a alerta do accidente a través dunha persoa particular, uns minutos despois das 9:30 horas desta mañá. Segundo relataba, o vehículo caera dun muro e rematara no patio do colexio.

De xeito inmediato, desde o 112 Galicia solicitouse a intervención de Urxencias Sanitarias de Galicia-061, da Garda Civil de Tráfico e dos Bombeiros de Monforte.

Tres persoas feridas en Allariz
Unha colisión entre dous turismos saldouse con tres persoas feridas, no punto quilométrico 216 da N-525.

O sinistro ocorreu uns minutos antes das 10:00 horas desta mañá.

Nada máis recibirse o aviso do accidente no 112 Galicia, coa chamada dunha persoa particular, requiriuse a intervención de Urxencias Sanitarias de Galicia-061, dos Bombeiros de Xinzo de Limia, da Garda Civil de Tráfico, da Agrupación de Voluntarios de Protección Civil de Allariz e do servizo de mantemento da vía de circulación.