Escoitar
luns, 16 Maio, 2022

Unha nena perdeu a vida esta tarde ao recibir o impacto do ferro dun parasol na cabeza, en Vigo.

Os feitos sucederon nunha leira particular na Baixada do Castelo, na parroquia de Bembrive, ao fío das seis menos cuarto.

A esa hora, unha persoa particular contactou co 112 Galicia para alertar dunha menor que estaba ferida na cabeza.

De xeito inmediato, desde o CIAE 112 Galicia requiriuse a intervención da Policía Nacional e Local e de Urxencias Sanitarias de Galicia-061, que nada puideron facer por salvarlle a vida á nena.

Cómpre sinalar que os xestores do 112 Galicia puxeron a situación en coñecemento do Grupo de Intervención Psicolóxica en Catástrofes e Emerxencias (GIPCE), por se a familia da menor necesitase da súa intervención.