Escoitar
luns, 23 Maio, 2022

Un condutor resultou ferido despois de colidir tres turismos na N-550, no punto quilométrico 85, ao seu paso polo concello pontevedrés de Pontecesures.

O 112 Galicia tivo coñecemento do accidente a través dos servizos sanitarios que, ás 16:30 horas, informaban dunha colisión por alcance na estrada xeral, preto dun supermercado da zona.

Deste xeito, os xestores do Centro Integrado de Atención ás Emerxencias alertaron do suceso aos membros do GES de Padrón, aos axentes de Tráfico e Policía Local. Ademais, informaron ao Centro de Xestión de Tráfico de Galicia e o servizo de mantemento da vía.

Finalmente, xa desde o lugar do sinistro, o persoal do GES confirmou que o condutor dun dos turismos implicados fora trasladado polos profesionais sanitarios ao centro hospitalario de referencia.