Escoitar
venres, 11 Xuño, 2021

Unha conductora tivo que ser trasladada despois de sufrir unha saída de vía, no concello pontevedrés de Vilanova de Arousa.

O accidente produciuse ás once da mañá, cando o 112 Galicia recibiu a chamada dunha persoa testemuña do feito. Esta informaba de que un vehículo acababa de sufrir un accidente na estrada VG-4.3., arredor do punto quilométrico 4, e solicitaba asistencia médica para a conductora do turismo.

De contado, os operadores do CIAE-112 comunicáronlle os datos recollidos aos servizos sanitarios, aos axentes da Garda Civil de Tráfico e da Policía Local, aos Bombeiros de Ribadumia e á Agrupación de Voluntarios de Protección Civil da localidade.

Unha vez chegados ao lugar do sinistro, os membros de Protección Civil de Vilanova confirmáronlle ao 112 que a persoa afectada no accidente fora trasladada ao Hospital do Salnés.

Ademais, para garantizar e restablecer a seguridade na vía, desde o Centro de Atención ás Emerxencias de Galicia tamén se informou ao Centro de Xestión de Tráfico e ao persoal de mantemento de estradas.